Ingredientët:

• 2 kokrra vezë
• 1 filxhan qumësht
• 1 filxhan kos
• 1 filxhan vaj luledielli
• 4 filxhan miell
• 1 majë luge kripë
• 1 lugë gjelle uthull
• 250 gram gjalpë I shkrire
• 400 – 500 gram stika të grira imët

• Për Sherbetin:
• 2 filxhan uji
• 2 filxhan sheqer
• Lëngu i një gjysmë limoni
• ½ filxhan mjaltë

Përshkrimi:

Para së gjithash përgatisim shërbetin, të cilin pasi e kemi bër gati e lëm mënjanë të arrij temperaturën e ambientit për ta përdorur.

Në një enë të thellë përziejmë vezët me qumështin, kosin, vajin e lulediellit, kripën dhe uthullën.

Më pas shtojmë pak nga pak miellin të cilin e kemi përzier më parë me pluhurin pjekës dhe e punojmë mirë me dorë ose me ndihmën e një makine për punimin e brumit, (brumi është gati kur nuk ngjit më në anët e enës).

Brumin e përftuar e ndajmë në 14 pjesë dhe me secilën prej tyre formojmë disa topa të vegjël të cilat i hapim një nga një me ndihmën e një petëze (pec/okllai) me një madhësi mesatare (në varësi të enës ku do të shtrojmë bakllavanë)

Petën e hapur e presim pak anash në mënyrë qe te formohet një petë disi drejtkëndore dhe petëzën e holle e vendosim në pjesën e poshtëme të petës, e kthejmë petën me kujdes mbi petëz dhe në gjithë pjesën tjetër të saj hedhim pa u rezervuar stikat të cilat i kemi grirë më parë shumë imët.

E mbledhim me kujdes duke e ngjeshur pak dhe në fund duke e mbajtur fort petën e nxjerrim shpejtë okllainë, pas kësaj e mbledhim pak me dorë dhe ashtu të mbledhur e vendosim në tepsi.

Pasi i kemi mbaruar të gjitha i presim sipas dëshirës dhe i spërkasim gjithandej me gjalpë të shkrirë (gjalpin e kemi ngrohur në zjarr për pak minuta)

Bakllavanë e pjekim në furrë të para ngrohur 180°C për 50 minuta pas të cilave sapo e nxjerrim nga furra hedhim në të shërbetin që e kemi në temperaturë ambienti.

E lëm të pushoj për 24 orë në mënyrë që sherbeti të përthithet më së miri.