Ingredientët:

• 1 kg bizele
• 6 qepë të njoma
• 2 qepë të thata mesatare
• Lëngu i një limoni
• 1 filxhan ujë
• 1 lugë gjelle gjalpë
• 2 – 3 lugë gjelle vaj ulliri
• ½ – 1 lugë çaji kripë
• 2 tufa kopërr

Përshkrimi:

Në fillim grijmë hollë qepët e thata bashkë me qepët e njoma dhe I skuqim me pak gjalpë, vaj ulliri dhe kripë duke I përzier vazhdimisht derisa të zbuten.

Pas kësaj shtojmë bizelet, I trazojmë pak me qepën dhe e mbyllim duke shtuar gotën e ujit tek e cila kemi shtrydhur lëngun e limonit (niveli I ujit duhet të jetë jo më shumë se një gisht mbi bizele në mënyrë që mos të kenë shumë lëng).

Bizelet I lëm të ziejnë (unë zakonisht I gatuaj në tenxhere me presion) dhe pasi kanë marrë  valë e ulim temperaturën tek mesatarja dhe i lëm të ziejnë me temperaturë të ulët për 30 minuta.

Pas përmbushjes së kohës e hapim dhe e shikojmë nëse bizelja është gati dhe nëse ka lëng më shumë seç duhet e lëm të shteroj me kapakun e hapur.

Kur bizelet janë gati shtojmë mbi to koperin e grirë imët dhe e përziejmë me kujdes (koperin e shtojmë gjithmonë në fund)