Ingredientët:

• 1 peshk dental rreth 1 kg
• 3 kokrra patate
• 450 gram kërpudha porcini
• 15 kokrra domate qershi
• 1 kokërr qepë e kuqe e vogël
• 1 kokërr limon me feta
• Lëngu i një limoni
• 2 gjethe rozmarinë të freskët
• Kripë + piper + vaj ulliri

Përshkrimi:

Në fillim pastrojmë mirë peshkun dental dhe e spërkasim nga të dy anët mirë me kripë e pas kësaj e vendosim në enën ku do ta pjekim.

Në krah të peshkut vendosim patate e prera në kubikë bashkë me kërpudhat të cilat i kemi përzier më parë me pak kripë, piper, dhe vaj ulliri

Domatet qershi i ndajmë në 2 pjesë dhe i shpërndajmë nëpër tavë bashkë qepën e prerë në copa mesatarisht të mëdha.

Mbi sipërfaqen e peshkut presim disa shirita të cilat i mbushim me feta limoni të prera holle.

Në mesin e peshkut vendosim 2 feta limon, disa domate qershi duke e spërkatur mirë me kripë.

E spërkasim të gjithë sipërfaqen e tavës me pak kripë, vaj ulliri (në mënyrë të bollshme edhe brenda peshkut ku kemi vendosur domatet me fetat e limonit), lëng limoni dhe në fund vendosim fetat e limonit bashkë me degët e rozmarinës së freskët dhe e pjekim në furrë të para ngrohur 200°C për 35 – 40 minuta

Pasi e nxjerrim nga furra e konsumojmë menjëherë të ngrohtë për një shije fantastike.