Ingredientët:

• 1 kg lakër e bardhë
• 1 kg qepë
• 4 thelbi hudhra
• 500 gram mish i grirë
• 4 – 5 lugë gjelle salcë domatesh
• 1 lugë çaji kripë
• ½ lugë çaji piper
• 2 lugë çaji spec i kuq i ëmbël
• 1 filxhan oriz
• 2 lugë gjelle salcë + 1 filxhan uji

Përshkrimi:

Në fillim pastrojmë lakrën duke i hequr fletët e para dhe pjesën e kërcellit, pas kësaj e ziejmë përreth 20 minuta në temperaturë mesatare.

Pasi e nxjerrim e lëm të pushoj pak dhe i hapim një nga një me kujdes fletët në që mos të prishen dhe i lëm mënjanë (pjesën më të vogël të lakrës së zier e grijmë për ta përdorur një moment të dytë)

Në një enë mesatare skuqim me pak gjalpë, vaj ulliri dhe kripë qepën e grirë mesatarisht bashkë me hudhrat dhe pjesën e vogël të lakrës.

Kur qepa fillon të zbutet shtojmë mishin e grirë dhe e përziejmë vazhdimisht derisa të skuqet.

Në fund shtojmë salcën, piperin, specin e kuq të ëmbël dhe kripën nësë është e nevojshme, e përziejmë mirë derisa të marrë valë dhe pas kësaj e lëm të ziej në temperaturë të ulët derisa të dalë yndyra në sipërfaqe.

Në këtë moment shtojmë orizin, e përziejmë pak dhe e lëm mënjanë të ftohet pak në mënyrë që të jetë më e lehtë mbushja e fletëve të lakrës.

Për mbushjen marrin një fletë lakër (nëse është e madhe e ndajmë në dy pjesë), në mes të saj vendosim me kujdes një lugë gjelle nga mbushja dhe i kthejmë anët e lakrës duke e mbështjelle dhe rrotulluar me kujdes.

Dollmatë i vendosim njëra pas tjetrës në enën ku do ti pjekim dhe në fund shtojmë mbi to 2 lugë gjelle salcë të tretur në një filxhan ujë.

Pas kësaj e pjekim në furë të para ngrohur 200°C për 40 – 50 minuta derisa tava mos të ketë më lëng dhe të ketë marrë një ngjyrë të lehtë në sipërfaqe.