Ingredientët:

• 1 pako pite                       
• 1 kg mish viçi (pjesë tuli)
• 1 kokërr qepë e madhe                           
• 4 thelbi hudhra                                          
• 6 lugë gjelle vaj ulliri
• 5 lugë gjelle uthull
• 1 lugë çaji mjaltë me kanellë  
• 1 lugë çaji rozmarinë
• 1 lugë çaji rigon      
• ½ lugë çaji kripë
• 2 – 3 domate mesatare
• Sallatë sipas dëshirës
• 2 avokado të pjekura
• Tzatziki

Përshkrimi:

Në fillim pastrojmë mishin, e presim në copa të vogla dhe e vendosim në një enë ku mbi të shtojmë qepën e prerë në feta të holla, hudhrat e grira, vajin e ullirit, mjaltin me kanellë, uthullën, kripën, rozmarinën dhe rigonin.

Pasi I kemi përzier mirë të gjitha I lëm mënjanë të mbuluara me një qese kuzhine për 30 – 45 minuta në mënyrë që të marinohen disi.

Pasi është përmbushur koha i skuqim të gjitha duke I përzier vazhdimisht (mishi mund të shpërbehet por nuk ka problem) derisa të skuqet dhe të përthithë lëngun e lëshuar.

Mënjanë presim domatet dhe avokadot me feta, përgatisim sallatën dhe fillojmë pjekim pitet në një thekëse ose në furre për 3 – 5 minuta.

Menjëherë kur pitja fillon të skuqet e marrim dhe fillojmë të ndërtojmë gjiron ku në fillim vendosim një shtrese tzaziki, me pas sallatën , domatet, avokadot dhe mishin, e spërkasim pak për kripë dhe e mbyllim me kujdes piten.

Sipas dëshirës mund ti shtojmë mustard ose ketchup në sipërfaqe.