Embelsira, Gurabije

Gurabije me Arra dhe Tahini me Portokall

0 comments

Ingredientët:

  • 1 filxhan vaj luledielli
  • ½ filxhan tahini
  • 1 filxhan sheqer pluhur
  • 4 filxhan miell
  • 1 majë luge kripë
  • 1 lugë çaji pluhur pjekës
  • 2 lugë gjelle niseshte
  • 1 filxhan arra

Përshkrimi:

Në një enë të thellë përziejmë tahinin të cilin e kemi në temperaturë ambienti, vajin e lulediellit, sheqerin pluhur, dhe kripën derisa të formohet një masë e njëtrajtshme.

Tek kjo masë shtojmë pak nga pak miellin të cilin e kemi përzier më parë me niseshtenë e  pluhurin pjekës dhe vazhdojmë e punojmë derisa të formohet një brumë gurabijesh i forte (nuk duhet të kursehemi tek mielli sepse ndryshe do të hapën shumë gjatë pjekjes)

Në fund shtojmë arrat e grira mesatarisht të vogla dhe me brumin e përftuar formojmë disa topa të vegjël duke i dhënë madhësinë e dëshiruar.

Masat e formuara i vendosim në një tepsi të madhe furre të cilën e kemi shtruar më parë me një letër kuzhine.

I pjekim në furrë të para ngrohur 180°C për 30 minuta dhe pasi i nxjerrim nga furra i lëm të ftohen pak pa i prekur. Pas kësaj i heqim nga tepsia dhe i vendosim në një tel kuzhine për tu ftohur plotësisht.

Janë ideale për tu shoqëruar me një gotë qumësht ose çaj.

Leave a Comment

Your email address will not be published. Required fields are marked *

*