Embelsira, Gurabije

Gurabije me Arra të Pjekura

0 comments

Ingredientët:

  • 250 gram gjalpë
  • ½ filxhan sheqer pluhur
  • 3 lugë gjelle disarono
  • 1 filxhan arra të pjekura
  • 1 ½ filxhan miell për ëmbëlsira
  • ½ filxhan niseshte
  • Sheqer pluhur për dekor

Përshkrimi:

Në një enë të thelle përziejmë mirë gjalpin të cilin e kemi të zbutur në temperaturë ambienti bashkë me disaronon dhe sheqerin pluhur derisa të përftojmë një masë kremoze.

Tek masa e përftuar shtojmë pak nga pak miellin të cilin e kemi përzier më parë me niseshtenë dhe e punojmë me duar ose më ndihmën e një makine për punimin e brumit derisa të përftojmë një masë të qëndrueshme gurabijesh e cila nuk ngjit më në anët e enës.

Në fund shtojmë arrat të cilat i kemi pjekur më parë dhe grirë mesatarisht me (unë preferoj mos ti bej pluhur sepse më pëlqen që të ndihet arra) dhe me brumin e përftuar formojmë disa topa të vegjël duke i dhënë madhësinë e dëshiruar.

Masat e formuara i vendosim në një tepsi të madhe furre të cilën e kemi shtruar më parë me një letër kuzhine.

I pjekim në furrë të para ngrohur 180°C për 20 minuta dhe pasi i nxjerrim nga furra i lëm të ftohen pak pa i prekur. Pas kësaj i heqim nga tepsia dhe I rrotullojmë në një tas të vogël të mbushur përgjysmë me sheqer pluhur, pasi I kemi kaluar të gjitha tek sheqeri pluhur mund ti kalojmë edhe një here të dytë nëse I duam më shumë të sheqerosura.

Leave a Comment

Your email address will not be published. Required fields are marked *

*