Ingredientët:

• 3 të bardha veze
• 2 filxhan fistik të grira imët
• 1 ½ filxhan sheqer pluhur
• 2 filxhan biskota të bëra miell
• 100 gram çokollatë e zezë

Përshkrimi:

Në një enë të thellë përziejmë mirë sheqerin pluhur me fistikët e grir dhe miellin e biskotave.

Mbi to shtojmë një nga një të bardhën e vezëve dhe e punojmë mirë derisa të përftojmë një masë të lagësht por të qëndrueshme (dmth në momentin që e rrotullojmë në duar e ruan formën pa ngjitur nëpër duar dhe pa u shpërbëre.

Me masën e përftuar formojmë disa topa të vegjël duke i dhënë madhësinë e dëshiruar.

Masat e formuara i vendosim në një tepsi të madhe furre të cilën e kemi shtruar më parë me një letër kuzhine.

I pjekim në furrë të para ngrohur 180°C për 12 – maksimumi 15 minuta dhe pasi i nxjerrim nga furra i lëm të ftohen pa i prekur.

Pasi janë ftohur plotësisht I dekorojmë sipas dëshirës me çokollatë të shkrirë dhe më pak arra të grira në sipërfaqe.