Ingredientët:

• 225 ml vaj luledielli
• 25 ml konjak
• 100 ml uji
• 100 ml lëng portokalli
• 100 gram mjaltë
• 250 gram rrush i thatë
• 150 gram arra
• 700 gram miell
• 150 gram sheqer
• 1 lugë çaji pluhur pjekës
• ¼ lugë çaji sodë buke
• 1 lugë çaji kanellë
• ½ lugë çaji karafil i bluar

Përshkrimi:

Në një enë mesatare përziejmë si fillim vajin e lulediellit, konjakun, ujin, lëngun e portokallit, dhe mjaltin derisa të miksohen më së miri.

Mbi masën e lëngshme shtojmë sheqerin, e përziejmë pak dhe vazhdojmë me pjesën tjetër të ingredientëve  te thatë të cilët I kemi përzier mënjanë si miellin, pluhurin pjekës, sodën e bukës, kanellën dhe karafilin e bluar.

Përzierjen e mësipërme e punojmë mire me dorë derisa të arrijmë një masë të njëtrajtshme tek e cila në fund shtojmë rrushin e  thatë dhe arrat e thërrmuara mesatarisht në mënyrë që të ndihën gjatë ngrënies.

Me brumin e përftuar formojmë disa topa me madhësi mesatare të cilat i vendosim në një tepsi të madhe furre, ku kemi shtruar më parë me një letër kuzhine dhe i pjekim në furrë të para ngrohur 180°C për 25 minuta.

Pasi i nxjerrim nga furra I lëm të pushojnë pak para se ti lëvizim nga tepsia.