Embelsira, Gurabije

Gurabije me Pekmez dhe Kanellë

0 comments

Ingredientët:

  • 125 gram gjalpë
  • ¾ filxhan sheqer pluhur
  • 3 lugë gjelle pekmez
  • 1 kokërr vezë
  • 2 filxhan miell
  • ½ filxhan niseshte
  • 1 lugë çaji pluhur pjekës
  • ½ lugë çaji kanellë
  • ¼ lugë çaji karafil
  • 1 majë luge çaji kripë
  • 1 filxhan arra
  • Sheqer pluhur + kanellë për dekor

Përshkrimi:

Në një enë të thellë përziejmë gjalpin të cilin e kemi në temperaturë ambienti, sheqerin pluhur, pekmezin dhe vezën derisa të formohet një masë e njëtrajtshme.

Tek kjo masë shtojmë pak nga pak miellin të cilin e kemi përzier më parë me niseshtenë, pluhurin pjekës, kanellën, karafilin dhe kripën dhe vazhdojmë e punojmë derisa të formohet një brumë gurabijesh i qëndrueshëm tek I cili në fund shtojmë arrat e thërrmuara mesatarisht. ( e kuptojmë që brumi është gati kur nuk ngjit më në anët e enës)

Me brumin e përftuar formojmë disa topa të vegjël duke i dhënë madhësinë e dëshiruar.

Masat e formuara i vendosim në një tepsi të madhe furre të cilën e kemi shtruar më parë me një letër kuzhine dhe I pjekim në furrë të para ngrohur 180°C për 20 minuta dhe pasi i nxjerrim nga furra i lëm të ftohen pak pa i prekur. Pas kësaj i heqim nga tepsia dhe I rrotullojmë në një tas të vogël të mbushur përgjysmë me sheqer pluhur dhe ¼ lugë çaji kanelle, pasi I kemi kaluar të gjitha tek sheqeri pluhur mund ti kalojmë edhe një here të dytë nëse I duam më shumë të sheqerosura.

Leave a Comment

Your email address will not be published. Required fields are marked *

*