Ingredientët:
- 5 – 6 patëllxhan mesatare
- 4 domate mesatare
- 1 lugë çaji hudhra të grira
- 1 lugë gjelle miell
- ½ filxhan kafe uthull
- ½ filxhan kafe uji
- Vaj luledielli + kripë
- ¼ lugë çaji rigon
- ¼ lugë çaji nenexhik
- ¼ lugë çaji selino
- ¼ lugë çaji rozmarinë
- ¼ lugë çaji spec djegës
- ¼ lugë çaji spec i kuq i ëmbël
- ½ lugë çaji kripe
- 1 majë lugë çaji sheqer
Përshkrimi:
Në fillim pastrojmë domatet duke I qëruar lëkurën dhe pas kësaj I grijmë në blender në mënyrë që të përftojmë një salcë.
Tek domatet e grira shtojmë të gjithë erëzat e mësipërme, rigon, nenexhik, selino, rozmarinë, spec djegës, spec i kuq i ëmbël, kripë, sheqer dhe vaj ulliri.
E vendosim të ziej dhe pasi merr valë e ulim temperaturën dhe e lëm te ziej me temperaturë të ulët derisa të dale yndyra në sipërfaqe.
Mënjanë pastrojmë dhe presim në feta mesatarisht të holla patëllxhanët të cilat pasi i skuqim i lëm të pushojnë pak mbi një pecetë kuzhine në mënyrë që të përthithet yndyra e tepërt.
Pas kësaj fillojmë i shtrojmë në enën ku do ti gatuajmë duke i spërkatur pak me kripë.
Në momentin që salca është gati shtojmë ujin të cilin e kemi përzier më parë me uthullën dhe hudhrat e grira, e përziejmë dhe e lëm të ziej 2 – 3 minuta.
Salcën e derdhim mbi patëllxhanët e skuqur të cilat I kemi shtruar mbi njëra tjetrën dhe e vendosim në zjarr me temperaturë mesatarisht të ulët derisa të dale yndyra në sipërfaqe.
