Embelsira, Kek

Kek me Copëza Çokollate

0 comments

Ingredientët:

  • 250 gram margarinë
  • 1 ½ filxhan sheqer
  • 2 ½ filxhan miell
  • 3 kokrra vezë
  • ½ lugë çaji pluhur pjekës
  • ½ lugë çaji kanellë
  • 1 majë luge çaji kripë
  • 1 filxhan kos
  • lëkura e 1 portokalli të grirë
  • 100 gram çokollatë e prerë në copëza mesatare

Përshkrimi:

Në një enë të thellë hedhim gjalpin të zbutur në temperaturë ambienti dhe mbi të shtojmë sheqerin. I rrahim bashkë të dyja me ndihmën e një rrahëse dore për 2 – 3 minuta derisa të përzihen mirë me njëra-tjetrën.

Më pas shtojmë vezët dhe vazhdojmë i rrahim mirë derisa të përftohet një masë kremoze. Kësaj mase i shtojmë kosin dhe lëkurën e grirë të portokallit duke i përzier vazhdimisht.

Në fund shtojmë miellin të cilin e kemi përzier më parë me pluhurin pjekes, kanellën e kripën dhe e përziejmë me kujdes derisa të përftohet një masë brumi mesatarisht e hollë të cilën e derdhim në formën që kemi lyer më parë me vaj ose gjalpë.

E sistemojmë me ndihmën e një spatule dhe pas kësaj ngjeshim me ndihmën e një shkopi kuzhine deri nga mesi i masës së formës copat e çokollatës duke i vendosur sipas dëshirës.

Në furrë të parangrohur në temperaturën 180°C vendosim formën e kekut që përgatitëm për 45 minuta. Më pas, me ndihmën e një shkopi kuzhine, 5 minuta para përfundimit të kohës së pjekjes bëjmë provën. Nëse shkopi del i pastër përfundojmë minutazhin e përcaktuar, në të kundërt e lëmë edhe pak.

Këshilloj që keku të jetë me temperaturë ambienti para se të fillojmë zbukurimin, që mund të jetë sheqer pluhur, çokollatë e shkrirë ose çdo gjë tjetër që mund t’ju gjendet në shtëpi dhe do te donit ta shtonit.

Leave a Comment

Your email address will not be published. Required fields are marked *

*