Embelsira, Kek

Kek me Fistik dhe Lime

0 comments

Ingredientët:

  • 100 gram fistik të grirë
  • 200 gram sheqer
  • 150 gram gjalpë
  • 130 gram kos
  • 3 kokrra vezë
  • 200 gram miell
  • 1 lugë çaj pluhur pjekës
  • ¼ lugë çaj sodë buke
  • 1 lugë çaj vanilje
  • Lëkura dhe lëngu i 4 limonëve
  • Për Salcën me Limon:
  • 1 filxhan sheqer pluhur
  • 2 – 3 lugë gjelle limon

Përshkrimi:

Në një enë të thellë përziejmë gjalpin të zbutur në temperaturë ambienti dhe mbi të shtojmë sheqerin dhe fistikun e grirë, i rrahim bashkë me ndihmën e një rrahëse dore për 2  minuta derisa të përzihen mirë me njëra-tjetrën.

Më pas shtojmë vezët dhe vazhdojmë i rrahim mirë derisa të përftohet një masë kremoze, kësaj mase I shtojmë kosin, lëngun dhe lëkuren e grirë të limonit duke i përzier vazhdimisht.

Në fund shtojmë miellin të cilin e kemi përzier më parë me pluhurin pjekës, 1 majë luge kripë dhe sodë buke, e përziejmë me kujdes derisa te përftohet një masë brumi mesatar të cilin e derdhim në formën që kemi lyer më parë me vaj, ose gjalpë.

Nëse përdoret e njëjta formë si unë sugjerohet të shtrohet një letër kuzhine në mënyrë që të jetë më e lehtë procedura e nxjerrjes së kekut nga forma.

Piqet ne furrë të para ngrohur 180°C për 50-55 minuta dhe me ndihmën e një shkopi kuzhine, 5 minuta para përfundimit te kohës se pjekjes bëjmë provën, nëse shkopi del i pastër përfundojmë minutazhin e përcaktuar në të kundërt e zgjasim pak.

Pasi e nxjerrim nga furra e lëm të pushoj mbi një tel kuzhine dhe kur është ftohur fillojmë zbukurimin.

Për zbukurimin rrahim sheqerin pluhur me lëngun e limonit derisa të përftohet një masë e holle por disi e dendur të cilën e derdhim mbi gjithë sipërfaqen e kekut dhe për pjesën tjetër të dekorit I mbetet fantazisë tuaj.

Leave a Comment

Your email address will not be published. Required fields are marked *

*