Ingredientët:

• 220 gram gjalpë
• 1 ½ filxhan sheqer
• 2 ½ filxhan miell
• 1 lugë çaj pluhur pjekës
• 1 majë luge çaji kripë
• 3 kokrra vezë
• 1 filxhan kos
• 1 lugë çaji ekstrakt vanilje
• ¼ filxhan arra të pjekura të grira trashë
• ½ filxhan copëza çokollatë
• ½ filxhan fruta të thata  

Përshkrimi:

Në një tas qelqi të thellë përziejmë mirë gjalpin të zbutur ne temperaturë ambienti me  sheqerin, i rrahim bashkë të dyja me ndihmën e një rrahëse dore për 2 – 3 minuta derisa të përzihen mirë me njëra-tjetrën.

Më pas shtojmë vezët dhe vazhdojmë i rrahim mirë derisa të përftohet një masë kremoze,

tek e cila shtojmë kosin dhe vaniljen duke i përzier vazhdimisht.

Në fund shtojmë miellin të cilin e kemi përzier më parë me pluhurin pjekës e kripën, e përziejmë me kujdes derisa te përftohet një masë brumi uniforme.

E mbyllim duke shtuar frutat e thata, copëzat e çokollatës dhe arrat e pjekura të cilat i kemi përzier më parë, i trazojmë dhe një herë me kujdes me ndihmën e një spatule dhe masën e përftuar e derdhim në formën që kemi lyer më parë me vaj, ose gjalpë.

E sistemojmë me ndihmën e një spatule dhe e pjekim në furrë të para ngrohur 200°C për 40 – 45 minuta.

Me ndihmën e një shkopi kuzhine, 5 minuta para përfundimit te kohës se pjekjes bëjmë provën, nëse shkopi del i pastër përfundojmë minutazhin e përcaktuar në të kundërt e zgjasim pak.

Këshilloj qe keku te jetë me temperaturë ambienti parasë te fillojmë zbukurimin me çokollatë të shkrirë ose sipas dëshirës.