Ingredientët:

• 200 gram gjalpë
• 1 filxhan sheqer i bardhë
• 1 filxhan kos
• 3 kokrra vezë
• 3 lugë gjelle lëkur portokalli
• 2 ½ filxhan miell për ëmbëlsira
• 1 ½ lugë çaji pluhur pjekës
• ½ lugë çaji sodë buke
• 1 majë luge çaji kripë
• 270 gram fruta të thata

Përshkrimi:

Në një enë të thellë përziejmë gjalpin të cilin e kemi me temperaturë ambienti me sheqerin, dhe më pas shtojmë një nga një vezët derisa të përftojmë një masë kremoze tek e cila në fund shtojmë kosin dhe lëkurën e grirë të portokallit.

Tek masa e përftuar shtojmë miellin të cilin e kemi përzier më parë me pluhurin pjekës, 1 majë luge kripë dhe sodë buke i trazojmë me kujdes derisa te përftohet një masë brumi mesatar.

Në fund shtojmë frutat e thata e përziejmë me kujdes dhe e derdhim në formën që kemi lyer më parë me vaj dhe kemi shtruar një letër kuzhine në mënyrë që të jetë më e lehtë procedura e nxjerrjes së kekut nga forma.

E pjekim në furrë të para ngrohur 180°C për 45 minuta dhe me ndihmën e një shkopi kuzhine, 5 minuta para përfundimit te kohës se pjekjes bëjmë provën, nëse shkopi del i pastër përfundojmë minutazhin e përcaktuar në të kundërt e zgjasim pak.

Pasi e nxjerrim nga furra e lëm të pushoj mbi një tel kuzhine dhe kur është ftohur plotësisht fillojmë dekorimin i cili mund të jetë thjesht pak sheqer pluhur ose çdo diçka tjetër sipas dëshirës.