Ingredientët:

• 3 filxhan fruta te thata mikse (rrush i thata, kajsi, boronica, ananas, etje)
• ½ filxhan çaji rum me arre kokosi
• 250 gram gjalpë
• 4 kokrra vezë
• 1 filxhan çaj kos
• 1 filxhan çaj sheqer i bardhë
• 3 filxhan miell
• ½ lugë çaji sodë buke 
• 2 lugë çaji pluhur pjekës
• 1 majë luge çaji kripë
• 1 lugë gjelle lëkurë portokalli e grirë
• ½ filxhan arra
• ½ filxhan fistik

Përshkrimi:

Në fillim përziejmë frutat e thata me rumin dhe i lëm të pushojnë për minimumi 2 orë.

Në një enë të thellë rrahim gjalpin me vezët dhe sheqerin e bardh derisa të përftojmë një mase disi kremoze tek e cila më pas shtojmë kosin dhe lëkurën e grirë të portokallit (të gjithë ingredientët e mësipërm duhet të jenë në temperaturë ambienti)

Në fund hedhim pak nga pak miellin që kemi miksuar më parë me pluhurin pjekës, sodën e bukës dhe kripën dhe e përziejmë me kujdes me ndihmën e një teli kuzhine.

Tek masa e përftuar shtojmë frutat e thata që tashmë e kanë thithur pjesën më të madhe të rumit, arrat e grira mesatarisht dhe fistiket (mund të miksoni arra të ndryshme), i përziejmë dhe një herë dhe masën e hedhim në formën të cilën e kemi lyer më parë me gjalpë dhe e pjekim në furrë të para ngrohur 180°C për 70 – 90 minuta.

Me ndihmën e një shkopi kuzhine, 5 minuta para përfundimit te kohës se pjekjes bëjmë provën, nëse shkopi del i pastër përfundojmë minutazhin e përcaktuar në të kundërt e zgjasim pak.

Pas kësaj e nxjerrim nga furra dhe e lëm të pushoj mbi një tel kuzhine derisa të ftohet plotësisht.

Pas kësaj mund të fillojmë zbukurimin me djathë philadelphia të përzier me sheqer pluhur dhe e dekorojmë me fruta sipas dëshirës.