Embelsira, Krem

Krem me Vanilje dhe Biskota me Kakao

0 comments

Ingredientët:

  • 1 litër qumësht
  • 3 lugë gjelle miell
  • 2 lugë gjelle niseshte
  • ½ filxhan sheqer
  • 1 kokërr vezë
  • 1 lugë gjelle gjalpë
  • 1 lugë çaji ekstrakt vanilje
  • 1 majë luge çaji kripë
  • 1 pako biskota me kakao
  • 1 çokollatë Lindt sipas dëshirës

Përshkrimi:

Në një grirës elektrik grijmë biskotat me kakao derisa të përftojmë një masë  shumë të hollë të bërë miell të cilën e lëmë mënjanë.

Në një enë të thellë përziejmë mirë sheqerin me vezën, miellin, niseshtenë, kripën e vaniljen dhe shtojmë pak nga pak qumështin, e vendosim në zjarr mesatar duke e përzier vazhdimisht derisa të marrë valë dhe të trashet.

Rreth 2 minuta para se ta heqim shtojmë gjalpin dhe e përziejmë që të tretet plotësisht.

(kremin duhet ta përziejmë gjatë gjithë kohës në mënyre që mos të ngjisë në fundin e enës, e kuptojmë që është gati kur krijon mes bulëzave në sipërfaqe një ajkë të hollë).

Masën e përftuar e hedhim në një enë tjetër dhe e mbulojmë të gjithë sipërfaqen e kremit me një qese kuzhine në mënyrë që mos të krijojë një cipë në sipërfaqe.

Pasi kremi është ftohur e fusim në frigorifer për minimum 6 orë (por ideale do ishte të qëndronte gjithë natën)

Pasi e nxjerrim nga frigoriferi e rrahim me ndihmën e një rrahëse elektrike rreth 5 minuta

derisa të formohet një masë kremoze.

Kremin e përftuar e hedhim në një qese kuzhine në mënyrë që të jetë më e lehtë dhe me delikate procesi i mbushjes së enëve.

Në fund të çdo ene bëjmë një shtresë të hollë me biskotat dhe i ngjeshim me kujdes, mbi to shtojmë kremin duke krijuar një shtresë të dytë, mbi të cilën vendosim përsëri një shtresë me biskota dhe e mbyllim me një shtresë me krem.

Në fund e dekorojmë me çokollatë të grirë dhe një copë Lindt (sigurisht kombinimi është opsional dhe mund të bëhet sipas dëshirës)

E lëm të pushoj në frigorifer për minimum 6 orë para se ta konsumojmë.

Leave a Comment

Your email address will not be published. Required fields are marked *

*