Embelsira, Gurabije

Melomakarona me Mjaltë (Gurabijet Greke të Krishtlindjeve)

2 comments

Ingredientët:

  • Për Gurabijet:
  • 400 ml lëng portokalli
  • 380 ml vaj luledielli
  • 200 ml vaj ulliri
  • 150 gram sheqer
  • 500 gram miell me pluhur pjekës
  • 500 gram miell i zakonçëm
  • 200 gram bullgurë si miell
  • 2 lugë çaji plot me kanellë
  • ½ lugë çaji sodë buke
  • ½ lugë çaji karafil pluhur
  • ¼ lugë çaji arrë moskati
  • ½ lugë çaji kripë  
  • 2 lugë çaji lekurë portokalli   
  • Për Sherbetin:
  • 2 filxhan mjaltë
  • 2 filxhan sheqer
  • 2 filxhan ujë
  • 1 lugë çaji lëng limoni
  • ½ portokall i prerë
  • 4 – 5 karafila të thatë
  • 2 – 3 shkopinj kanellë
  • arra të grira me kanellë

Përshkrimi:

Në fillim përgatisim shërbetin ku në një enë të thelle ziejmë mjaltin me ujin, sheqerin, lëngun e limonit dhe gjysmën e portokallit, shkopinjtë e kanellës, karafilat dhe pas kësaj e lëm të arrij temperaturën e ambientit për ta përdorur më vonë.

Në një enë të thelle (ose në një mikser elektrik) përziejmë mire vajin e ullirit, vajin e lulediellit, sheqerin, lëngun dhe lëkurën e portokallit, dhe pas kësaj shtojmë pak nga pak 2 llojet e miellrave të cilat i kemi përzier më parë me kanellën, pluhurin pjekës, sodën e bukës, karafilin pluhur, arrën e moskatit dhe kripën.

E punojmë derisa të përftojmë një masë brumi gurabijesh i cili nuk ngjit më në anët e enës.

Me brumin e përftuar formojmë disa topa me madhësi mesatare, të cilat i rrotullojmë në drejtime të ndryshme midis pëllëmbëve të duarve derisa të përftojmë një masë siç është e treguar në foto**

Masat e formuara i vendosim në një tepsi furre të cilën e kemi shtruar më parë me një letër kuzhine, me ndihmën e një thike i bëjmë disa shirita për dekor në sipërfaqe dhe i pjekim në furrë të para ngrohur 200°C për 16 – 20 minuta.

Pasi i nxjerrim nga furra i fusim menjëherë tek sherbeti që përgatitëm në fillim, i lëm 1 – 2 minuta dhe i nxjerrim me kujdes me ndihmën e një kullese të vogël.

Pasi i vendosim në pjatancën e tyre i spërkasim në sipërfaqe me arra të grira të cilat i kemi përzier më parë me kanellë dhe mjaltë.

2 Comments

  1. Etleva Hamzaraj

    Melomakaronat qe ben ti jane shume shume te mira dhe kete e them se i kam provuar. Faleminderit qe e ndave receten!

Leave a Comment

Your email address will not be published. Required fields are marked *

*