Ingredientët:

• 1 filxhan qumësht
• 1 lugë gjelle maja e thatë
• ½ filxhan vaj luledielli
• 1 lugë gjelle sheqer
• 1 lugë çaji kripë
• 1 kokërr vezë
• 3 – 4 filxhan miell
• 100 gram djathë i bardhë
• 20 domate qershi
• 2 – 3 speca jeshil
• Rigon + Susam + Kripee

Përshkrimi:

Në një enë mesatare ngrohim pak qumështin tek i cili kemi shtuar vajin e lulediellit dhe pasi është ngrohur (jo nxehur) shtojmë sheqerin, kripën dhe majanë e thatë, e përziejmë dhe e lëm të pushoj për disa minuta derisa majaja të shpërbëhet dhe të filloj të bëj punën e saj.

Pas kësaj në masën e formuar shtojmë vezën dhe miellin dhe fillojmë e punojmë derisa të përftojmë një brumë të qëndrueshëm me dendësi mesatare.

Brumin e formuar e mbulojmë me një pecetë dhe e vendosim në një ambient të ngrohtë për 30 minuta derisa të dyfishoj masën e tij fillestare.

Pas kësaj e punojmë shumë pak brumin dhe e ndajmë në copëza të vogla më të cilat do të formojmë pizzat (mua zakonisht për këtë masë më dalin 20 panine, por kjo varet nga madhësia e dëshiruar)

Për te qenë më e lehte sugjeroj të ndahen paraprakisht para se të fillojmë mbushjen.

Pasi I kemi ndarë marrim masën e parë e hapim gjithandej mesin duke e shtypur me gishtërinj dhe duke formuar një bordurë rreth e rrotull.

Pas kësaj në mes të secilës vendosim 1 domate të vogël të prerë në dy pjesë, 2 copëza të vogla speci dhe një copëz djathë.

Mini pizzat i vendosim në një tepsi tek e cila kemi shtruar më parë një letër kuzhine.

E lyejmë anët me pak vaj me ndihmën e një furçë kuzhine dhe e spërkasim sipërfaqen me pak rigon, kripë dhe susam.

Në fund i mbulojmë me një pecetë dhe i vendosim përsëri në një vend të ngrohtë për të dyfishuar masën e tyre (i lëm përsëri të pushojnë rreth 30 minuta)

Pas kësaj I pjekim në furrë të para ngrohur 200°C për 30 – 35 minuta dhe pasi i nxjerrim nga furra i lëm të ftohen pak pa I prekur. Kur të jenë ftohur pak I heqim nga tepsia dhe i vendosim në një tel kuzhine për tu ftohur plotësisht.

Ideale do ishte të konsumoheshin të ngrohta.