Mish Qingji, Pjata Kryesore

Mish Qengji me Erëza dhe Arrë Kokosi

0 comments

Ingredientët:

  • 2 kg mish qengji
  • 1 qepë e madhe
  • 400 gram krem ose qumësht arrë kokosi
  • 1 ½ lugë çaji xhinxhër I freskët
  • 2 – 3 lugë gjelle gjalpë + vaj ulliri
  • 1 lugë çaji turmeric
  • ½ lugë çaji curry pluhur
  • 1 ½ lugë çaji fara koliander
  • 1 lugë çaji fara kumin
  • 1 lugë çaji fara mustarde
  • 1 lugë çaji kardemon pluhur
  • ½ lugë çaji karafil pluhur
  • ½ lugë çaji kanellë + 2 shkopinj
  • 1 majë luge çaji spec djegës
  • ½ lugë çaji arrë moskati
  • 1 ½ lugë çaji kripë
  • 2 lule anise

Përshkrimi:

Në një tas të vogël përziejmë erëzat e mësipërme (turmerikun, curry, koliandër, kumin, mustardë, kardemon, karafil, kanelle, spec djegës, arre moskati dhe kripë) dhe I lëm mënjanë.

Në vazhdim pastrojmë mishin e qengjit, e kullojmë dhe skuqim me kripë në një enë ku kemi shkrirë gjalpin dhe vajin duke e kthyer nga të gjitha anët. (nuk e skuqim plotësisht) pas kësaj e heqim dhe e lëm mënjane.

Tek gjalpi që kemi skuqur mishin hedhim qepën e grirë hollë bashkë me xhinxherin, i përziejmë derisa qepa të zbutet dhe pas kësaj shtojmë të gjitha erëzat që miksuam më pare, i trazojmë pak dhe rikthejmë mishin e skuqur.

Pasi i përziejmë pak me kujdes shtojmë qumështin e arrës së kokosit (nëse është e nevojshme shtojmë pak ujë derisa të mbulohet mishi), shkopinjtë e kanellës dhe 2 lulet e anisës.

Pas kësaj e lëm të marrë valë dhe pasi ka marrë valë e ulim temperaturën dhe e lëm të ziej për 45 – 60 minuta me temperaturë mesatarisht të ulët derisa mishi të gatuhet plotësisht.

Kur mishi është gati e heqim dhe e vendosim në pjatancën ku do ta servirim dhe tek lëngu shtojmë 1 – 2 lugë çaji niseshte të tretur në një filxhan kafe ujë.

Pasi e shtojmë niseshtenë e tretur tek lëngu e përziejmë vazhdimisht derisa të arrij trashësinë e dëshiruar.

Pas kësaj e rikthejmë tek mishi dhe  e servirim menjëherë.

Për një shije ideale rekomandoj të shoqërohet më bullgurë ose oriz basmati.

Leave a Comment

Your email address will not be published. Required fields are marked *

*