Mish Qingji, Pjata Kryesore

Mish Qengji me Salcë Perimesh

0 comments

Ingredientët:

  • 2 kg mish qengji
  • 2 kokrra qepë të mëdha
  • 2 degë selino
  • 3 – 4 karota mesatare
  • 2 kokrra patate
  • 2 filxhan verë e kuqe
  • 2 domate mesatare
  • 2 lugë gjelle gjalpë + pak vaj ulliri     
  • 2 ½ lugë çaji hudhra pluhur
  • 1 lugë çaji kripë
  • ¾ lugë çaji arrë moskati
  • 1 lugë çaji rigon
  • 1 ½ lugë çaji timo
  • 2 degë rozmarinë e freskët
  • 2 gjethe dafine të thata
  • 2 shkopinj kanelle

Përshkrimi:

Në fillim pastrojmë mishin e qengjit, e kullojmë dhe skuqim me kripë në një enë ku kemi shkrirë gjalpin dhe vajin duke e kthyer nga të gjitha anët. (nuk e skuqim plotësisht) pas kësaj e heqim dhe e lëm mënjane.

Tek gjalpi që kemi skuqur mishin hedhim qepën e grirë hollë bashkë me hudhrat pluhur, kripën, rigonin, arrën e moskatit dhe timon, i përziejmë derisa qepa të zbutet dhe pas kësaj shtojmë karotat e prera në copa mesatarisht të vogla, selinonë e grirë  dhe patatet e prera në kubikë, i trazojmë pak dhe në fund shtojmë domatet të cilave i kemi hequr lëkurën dhe copëzuar imët.

Në fund e rikthejmë mishin tek ena, e përziejmë me kujdes dhe shtojmë verën (vera duhet të mbulojë treçerekun e mishit), gjethet e dafinës, shkopinjtë e kanellës dhe degët e rozmarinës.

Pas kësaj e lëm të marrë valë dhe pasi ka marrë valë e ulim temperaturën dhe e lëm të ziej për 60 minuta me temperaturë mesatarisht të ulët (2 – 3 ) derisa mishi të gatuhet plotësisht.

Kur mishi është gati e heqim nga lëngu dhe me ndihmën e një blenderi i bluajmë perimet e ziera me verë derisa të përftojmë një masë kremoze të cilën e hedhim në enën ku do ta pjekim dhe mbi të vendosim copat e mishit.

E pjekim në furrë të para ngrohur 200°C për 30 minuta derisa mishi të marrë një ngjyrë të kuqërremtë dhe yndyra të dalë në sipërfaqe.

Për një shije ideale rekomandoj të shoqërohet më bullgurë ose oriz basmati.

Leave a Comment

Your email address will not be published. Required fields are marked *

*