Ingredientët:

• 4 tufa hithra
• 5 – 6 bishta qepësh të njoma
• 3 tufa kopër
• 5 kokrra vezë
• 500 gram miell misri
• 3 lugë gjelle miell gruri
• 2 filxhan qumësht
• 150 gram djathë gorgonzola
• ¼ filxhan vaj ulliri
• 2 lugë çaji kripë

Përshkrimi:

Në fillim pastrojmë mirë dhe me kujdes hithrat dhe i marrim vetëm gjethet të cilin i grijmë trashë dhe e ziejmë me pak vaji ulliri, pak kripë dhe ujë derisa të marrin vale (2 – 3 minuta në mënyrë që të zbuten pak dhe pas kësaj i lëm mënjanë të kullojë dhe të ftohet)

Për përgatitjen e brumit në një enë të thellë përziejmë mire vezët me qumështin dhe vajin e në fund shtojmë miellin e misrit të cilët I kemi përzier më parë me pluhurin pjekës, sodën e bukës dhe kripën.

Tek masa e përftuar shtojmë hithrat, qepët e njoma të grira mesatarisht imët, koperinë e grirë, djathin gorgonzola dhe i përziejmë mirë të gjitha derisa të përftojmë një masë të njëjtë. (jo shumë e trashë, jo shumë e hollë)

Këtë masë e derdhim në tepsinë ku do ta pjekim të cilën e kemi lyer më parë me vaj dhe e pjekim në furrë të para ngrohur 200°C për 50 minuta. (minutat janë në varësi të trashësisë së pispilisë dhe të furrës)

Pasi e nxjerrim nga furra e lëm të ftohet pak dhe më pas të pushoji mbi një tel kuzhine.

Rekomandohet ta konsumojmë të ngrohtë të shoqëruar me kos ose më çdo gjë tjetër sipas dëshirës.