Ingredientët:

• Për brumin:
• 250 ml uji i ngrohtë
• 2 – 3 filxhan miell për pizza
• 1 lugë çaj kripë
• 1 lugë çaj sheqer
• 1 lugë çaj maja (5 gram)

• Për Mbushjen:
• 150 gram rrush i zi pa fara i prerë në 2 pjesë
• 100 gram gorgonzola
• 250 gram djathë i bardhë
• 100 gram ricotta
• 1 – 2 lugë gjelle mjaltë
• një majë luge kripë                                                  

Përshkrimi:

Në një enë të thellë përziejmë të gjithë ingredient e mësipërm për brumin derisa te arrijmë një masë brumi të qëndrueshëm, të butë i cili nuk ngjit më në anët e enës.

Brumin e përftuar e vendosim në një enë të thellë, e mbulojmë më një pecetë kuzhine dhe e vendosim në një vend të ngrohte (jo te nxehte) për 40 – 60 minuta derisa të dyfishojë masën e tij fillestare. (ose mund të përdorim një petë për pizza të gatshme)

Ndërkohë që presim brumin të vij përgatisim mbushjen ku në një enë përziejmë djathin e bardhe, ricotta, dhe gorgonzola dhe në një enë tjetër hedhim rrushin e zi të cilin e kemi larë, kulluar dhe prerë në dy pjesë çdo kokërr.

Kur brumi të ketë dyfishuar masën e tij fillestare e marrim dhe e vendosim mbi tepsinë ku kemi shtruar më parë një letër kuzhine dhe e hapim me dorë duke ja tërhequr me kujdes anët derisa të arrij madhësinë e dëshiruar rreth 1 – 1,5 cm trashësi.

Përhapim gjithandej mbi pete djathërat që kemi përzier më parë duke lën rreth një gisht anët bosh dhe vazhdojmë duke shpërndarë rrushin e prere sipas dëshirës.

Në fund e spërkasim me pak mjaltë dhe kripë dhe e pjekim në furrë të para ngrohur 220°C për 30 minuta

Pas kohës së indikuar e nxjerrim nga furra dhe e lëm të ftohet pak për ta konsumuar të ngrohtë.