Mishra të Tjerë, Pjata Kryesore

Pulë Deti e Mbushur

0 comments

Ingredientët:

  • 1 pulë deti rreth 4.5 – 5 kg
  • ½ filxhan ujë
  • ½ filxhan verë e kuqe
  • 1.5 – 2 kg patate të vogla të kuqe
  • Për lyerjen e pulës:
  • 1 lugë gjelle mustardë
  • 1 lugë gjelle mjaltë
  • lëngu i një portokalli
  • 1 filxhan kafe vaj ulliri
  • Për mbushjen e pulës:
  • 500 gram mish i grirë                                                                                                 
  • 1 kokërr qepë mesatare                                                  
  • 6 thelbi hudhra                                                                
  • 1 lugë çaji mjaltë me kanellë                                                       
  • ½ filxhan arra të grira trashë
  • ½ filxhan gështenja të grira trashë
  • 1 filxhan kafe verë e kuqe                                                                        
  • Vaj ulliri + kripë + rigon                                                               

Përshkrimi:

Në fillim përgatisim mbushjen e pulës së detit ku në një enë skuqim me 1 lugë gjelle gjalpë dhe pak kripë qepën e grirë me hurdhat dhe më pas shtojmë mishin e grirë.

Kur mishi të jetë pothuajse gati shtojmë arrat e grira mesatarisht dhe gështenjat e copëzuara, i përziejmë dhe vazhdojmë duke shtuar mjaltin me kanellë.

Në fund shtojmë verën dhe e përziejmë vazhdimisht derisa vera të avulloji dhe pas kësaj e lëm mënjanë të ftohet.

Kur mishi është ftohur e marrim dhe mbushim me kujdes pulën e detit të cilën e kemi pastruar më parë, pas kësaj e qepim me kujdes në mënyrë që mos të dale mbushja gjatë pjekjes.

Në fund në një tas të vogël përziejmë vajin e ullirit me mustardën, mjaltin dhe lëngun e portokallit dhe me masën e krijuar lyejmë gjithandej pulën e detit të cilën e vendosim në një tepsi ku shtojmë gjithashtu ujin dhe verën.

Pulën e mbulojmë me një letër kuzhine dhe e pjekim në furrë të para ngrohur 150°C për 4 – 5 orë duke e kontrolluar dhe kthyer here pas here, pas kësaj e ngremë temperaturën në 200°C dhe e lëm një orë me shumë duke ja hequr letrën e kuzhinës me të cilën e kemi mbuluar.

Pasi e heqim pulën nga furra me lëngun e pulës pjekim patatet e vogla të cilat I presim në 2 – 3 pjesë ose sipas dëshirës dhe në fund i shërbejmë të dyja bashkë për një darkë të ndërrimit të viteve të pa harrueshëm.

Leave a Comment

Your email address will not be published. Required fields are marked *

*