Ingredientët:

• 200 gram miks gjethesh (rukola, valeriana, radicchio, spinaq…)
• 1 qepë e kuqe mesatare
• 2 kastravecë të vegjël
• 250 gram domate qershi
• 5 – 6 baby misra
• 1 kavanoz qiqra të ziera
• ½ filxhan cashew
• ¼ filxhan fara kungulli
• 1 filxhan fara shege të kuqe
• 2 lugë gjelle fara luledielli
• 200 gram djathë i bardhë
• Vaj ulliri + kripë sipas dëshirës
• Aceto Balsamico kremoz

Përshkrimi:

Si fillim pastrojmë mirë të gjithë përbërësit duke filluar nga gjethet të cilat pasi i lajmë i lëm të kullojmë dhe në fund i vendosim në enën ku do të bëjmë sallatën.

Vazhdojmë me qepën të cilën e kemi prerë në feta shumë të holla dhe zbutur pak me dorë, shtojmë kastravecët të cilët i kemi qëruar dhe prerë në copa të vogla bashkë me domatet të prera në dy pjesë.

Më pas misrat e vegjël të copëzuar bashkë me qiqrat e ziera.

Në fund shpërndajmë gjithandej farat cashew, farat e kungullit, farat e lulediellit, thërrmojmë djathin e bardhë dhe shegët.

E mbyllim duke i shtuar kripën, vajin e ullirit dhe aceton dhe e servirim duke dhuruar një shije të mrekullueshme për të gjithë ata që do ta provojnë.