Sallatë, Të Shëndetëshme

Sallatë me Fasule të Bardha dhe Quinoa te Zezë

0 comments

Ingredientët:

  • 1 ½ filxhan fasule të bardha
  • 1 ½ filxhan quinoa e zezë
  • 3 speca të kuq
  • 2 kastravecë mesatarë
  • 1 kavanoz kastravecë turshi
  • 3 degë selino
  • 4 qepë të njoma
  • 4 hudhra të njoma
  • 300 gram domate qershi
  • Për Salcën
  • Lëngu dhe lëkura e 2 limoni
  • 8 lugë gjelle vaj ulliri
  • 1 lugë çaj kripë
  • Për Dekor:
  • 200 gram cashew të pjekur
  • 200 gram djathë i bardhë

Përshkrimi:

Pastrojmë mire fasulet dhe I vendosim në një enë bashkë me ujin të pushojnë për 2 orë, më pas i kullojmë dhe i vendosim të ziejnë të mbuluara me ujë, 3 – 4 lugë gjelle vaj ulliri dhe 1 lugë çaj kripë, pasi kanë marrë valë i lëm të ziejnë për 45 – 60 minuta në temperaturë mesatare duke i kontrolluar vazhdimisht që mos të zbutën shumë. (koha varet nga lloji i fasuleve)

Pasi kanë zier I kullojmë dhe enën ku i hedhim e fusim në ujë të ftohtë në mënyrë që të ftohen shpejt dhe mos të gatuhen më tej.

Për sa I përket quinoas e pastrojmë mirë dhe e vendosim ne një ene bashkë me ujin, me 4 lugë gjelle vaj ulliri dhe ½ lugë çaj kripë (quinoa gatuhet njësoj si orizi) pasi ka marrë valë e lëm të ziejnë për 35 minuta në temperaturë mesatare dhe kur është gatuar plotësisht e heqim nga zjarri dhe e përziejmë disa here qe te shkriftërohet.

Ndërkohë mënjanë presim holle qepën e njomë bashkë me hudhrat e njoma, specat, kastravecët dhe ato turshi në katrorë të vegjël, selinon në copëza të vogla dhe domatet ne 4 pjesë.

Të gjithë ingredientët e mësipërm I miksojmë në një tas të madh (fasulet, quinoan, hudhrat, qepët, specat, kastravecët, selinon dhe domatet.

Në fund kur e servirim shtojmë djathin e thërrmuar, arrat cashew, dhe mbi to salcën të cilën e kemi përgatitur më parë duke përzier të gjithë ingredientët e salcës në një kavanoz të vogël.

Tani kemi gati një sallatë proteinike, plot ngjyra dhe shije për një drekë perfektë.

Leave a Comment

Your email address will not be published. Required fields are marked *

*