Ingredientët:

• Për Sallatën:
• 2 filxhan quinoa me 3 ngjyra
• 3 speca të kuq
• 3 speca jeshil
• 1 kokërr qepë e kuqe
• 2 mango e pjekur
• 2 avokado të pjekura
• 2 tufa majdanoz
• 150 gram djathë i bardhë
• 50 gram arra

• Për Salcën
• Lëngu dhe lëkura e  2 limonëve
• 1 lugë çaji mustardë
• 1 lugë çaji sheqer
• 1 lugë çaji kripe
• 6 – 8 lugë gjelle vaj ulliri

Përshkrimi:

Quinoan e pastrojmë mirë dhe e vendosim ne një ene bashkë me ujin, me 4 lugë gjelle vaj ulliri dhe ½ lugë çaj kripë (quinoa gatuhet njësoj si orizi) pasi ka marrë valë e lëm të ziejnë për 35 minuta në temperaturë mesatare dhe kur është gatuar plotësisht e heqim nga zjarri dhe e përziejmë disa here qe te shkriftërohet.

Ndërkohë mënjanë presim qepën, avokadon dhe mangon në kubikë, specat gjithashtu në katrorë të vegjël, majdanozin e grijmë hollë ndërsa djathin e thërrmojmë me duar ose në kubikë sipas dëshirës.

Të gjithë ingredientët e mësipërm I miksojmë në një tas të madh bashkë me quinoan të cilën e kemi lënë të arrij një temperature ambienti dhe në fund shtojmë arrat e thërrmuara mesatarisht.

Për salcën, miksojmë në një kavanoz të vogël, lëngun dhe lëkurën e limonëve, vajin e ullirit, mustardën, sheqerin e kripën dhe e shtojmë mbi sallatë para se ta servirim.