Ingredientët:

• 200 gram rukola
• 1 kokërr qepë e kuqe e vogël
• 3 lugë gjelle fara lini
• 3 – 4 lugë gjelle fara luledielli
• 2 – 3 fiq te pjekur
• ¼ filxhan arra të plota
• 8 feta te holla djathë parmigiano
• Vaj ulliri + kripë sipas dëshirës
• Aceto Balsamico kremoz

Përshkrimi:

Si fillim pastrojmë mirë të gjithë përbërësit duke filluar nga rukola të cilën pasi i lajmë i lëm të kullojmë dhe në fund i vendosim në enën ku do të bëjmë sallatën.

Vazhdojmë me qepën të cilën e kemi prerë në feta shumë të holla e zbutur pak me dorë dhe më pas shpërndajmë gjithandej djathin parmigiano të prerë shumë holle, farat e lulediellit të cilat i kemi kaluar pak në tigan (pa gjalpë) thjeshtë tundur disa herë derisa të marrin një ngjyrë të lehtë dhe një shije krokante.

Në fund shtojmë fiqtë e qëruar dhe të prera në katër pjesë, arrat e plota dhe farat e linit.

E mbyllim duke i shtuar kripën, vajin e ullirit dhe aceton dhe e servirim duke dhuruar një shije të veçantë dhe një miksim perfekt midis të ëmblës dhe të kripurës.