Sallatë

Sallatë me Thjerëza dhe Rrush

0 comments

Ingredientët:

  • 2 filxhan thjerrëza të zeza (beluga)
  • 3 filxhan ujë
  • 2 bistak rrush i bardhë pa fara
  • 4 – 5 qepë të njoma të prera hollë
  • 1 tufë borzilok i freskët
  • Lëkura e grirë e 2 portokalleve
  • ½ filxhan arra të grira trashë
  • 100 – 200 gram djathë i bardhë
  • Lëngu dhe lëkura e 2 limonëve
  • Lëngu dhe lëkura e 1 portokalli
  • 6 lugë gjelle vaj ulliri
  • 1 lugë çaji mustard
  • 1 lugë gjelle mjaltë
  • 1 lugë çaji kripë
  • 1 lugë çaji timo

Përshkrimi:

Pastrojmë mirë thjerrëzat dhe i vendosim në një enë bashkë me ujin, 3 – 4 lugë gjelle vaj ulliri dhe 1 lugë çaj kripë, pasi kanë marrë valë i lëmë të ziejnë për  35 – 45 minuta në temperaturë mesatare duke i kontrolluar vazhdimisht që mos të zbuten shumë.

Pasi kanë zier i kullojmë dhe enën ku i hedhim e fusim në ujë të ftohtë në mënyrë që të ftohen shpejt dhe mos të gatuhen më tej.

Kur thjerrëzat janë ftohur shtojmë mbi to qepët e njoma të prera hollë, kokrrat e rrushit pa fara të prera në dy pjesë, borzilokun e grirë, lëkurën e grirë të portokalleve, arrat e grira trashë dhe djathin e bardhë të cilin mund ta presim në kubik ose ta thërrmojmë me dorë. I përziejmë mirë të gjitha me kujdes dhe i lëmë mënjanë.

Për salcën, përziejmë në një kavanoz të vogël, lëngun dhe lëkurën e limonëve bashkë me të portokallit, vajin e ullirit, mustardën, timon, mjaltin dhe kripën dhe e shtojmë mbi sallatë para se ta servirim.

Leave a Comment

Your email address will not be published. Required fields are marked *

*