Ingredientët:

• 300 gram miks gjethesh (rukola, valeriana, radicchio, spinaq…)
• 1 qepë e kuqe mesatare
• 1 kavanoz filiza
• 250 gram domate qershi
• 1 molle e verdhë
• 1 kavanoz qiqra të ziera
• ½ filxhan arra
• ¼ filxhan fara kungulli
• ½ filxhan shegë të kuqe
• 2 lugë gjelle fara luledielli
• 100 gram djathë gorgonzola
• Vaj ulliri + kripë sipas dëshirës
• Aceto Balsamico kremoz

Përshkrimi:

Si fillim pastrojmë mirë të gjithë përbërësit duke filluar nga gjethet të cilat pasi i lajmë i lëm të kullojmë dhe në fund i vendosim në enën ku do të bëjmë sallatën.

Vazhdojmë me qepën të cilën e kemi prerë në feta shumë të holla dhe zbutur pak me dorë, shtojmë filizat, domatet të prera në feta

Më pas mollën e prerë në feta të holla bashkë me qiqrat e ziera.

Në fund shpërndajmë gjithandej farat e kungullit, farat e lulediellit, arrat e grira mesatarisht ose të thërrmuara me dore, copëzat e vogla të djathit gorgonzola dhe  shegët.

E mbyllim duke i shtuar kripën, vajin e ullirit dhe aceton dhe e servirim duke dhuruar një pjatë të bukur për tavolinën tuaj dhe një shije të mrekullueshme për të gjithë ata që do ta provojnë.