Peshk, Pjata Kryesore

Salmon me Barbunja

0 comments

Ingredientët:

  • 3 feta mesatare salmon
  • 200 gram barbunja
  • Lëngu i dy limonëve
  • 1 limon me feta
  • 10 domate qershi
  • 50 gram fistik
  • Për salcën me arrë kokosi:
  • 1 filxhan qumësht arre kokosi
  • 1 lugë gjelle gjalpë
  • 1 lugë çaji mustardë
  • 1 lugë gjelle mente
  • 1 lugë çaji stika të grira

Përshkrimi:

Salmonin e prerë në feta mesatare e spërkasim nga të dyja anët me kripë dhe e vendosim në tavën ku do ta pjekim.

Shpërndajmë gjithandej nëpër cepat e salmonit barbunjat të cilat i kemi zier 5 minuta dhe kulluar, vendosim duke shpërndarë gjithandej domatet qershi të prera në dy pjesë dhe fetat e limonit të prera hollë.

E spërkasim me pak vaj ulliri dhe rigon dhe e pjekim në furrë të para ngrohur 200°C për 30 – 40 minuta.

Ndërkohë mënjanë në një tigan të vogël ziejmë qumështin e arrës së kokosit me 1 lugë gjelle gjalpë, dhe kur merr valë shtojmë niseshtenë e tretur në 3 lugë gjelle uji, e përziejmë shpejtë në mënyrë që mos të formohen kokrra dhe në fund shtojmë menten, mustardën dhe stikat e bëra pluhur.

Pasi e nxjerrim salmonin nga furra e spërkasim me salcën e arrës së kokosit, shpërndajmë gjithandej fistik të grirë trashë dhe e servirim duke dhuruar një shije shumë të veçantë dhe një drekë të shëndetshme.

Leave a Comment

Your email address will not be published. Required fields are marked *

*