Përshkrimi

• Si fillim pastrojmë mirë thjerrëzat dhe i lëm të pushojnë të mbuluara me ujë për 1 – 2 orë në mënyrë që të gatuhen më shpejtë
• Mënjanë skuqim me pak vaj ulliri dhe kripë qepën e grirë shumë hollë bashkë me hudhrat derisa të thahet lëngu dhe qepa të gatuhet disi.
• Më pas shtojmë patate dhe karotat e prerë në kubik të vegjël dhe i përziejmë mirë të gjitha duke i skuqur lehtë.
• Në fund shtojmë thjerëzat të cilat i kemi shpëlarë dhe kulluar, salcën e domates, kripë, piper, timon dhe e përziejmë disa herë në mënyrë që të gjithë përbërësit të përzihen më së miri me njëri tjetrin.
• Përzierjes së mësipërme i shtojmë ujin të cilin unë zakonisht e llogaris diku 4 gisht mbi sipërfaqen e përbërësve ose më shumë nëse e dëshironi më të lëngshme.
• Pas kësaj e lëm të marrë valë (unë zakonisht përdor tenxheren me presion për të gatuar agrumet) dhe pasi ka mare valë e ulim temperaturën dhe e lëm të ziej në temperaturë të ulët për 30 – 40 minuta.
• Para se ta konsumojmë sipas dëshirës i shtojmë 1 lugë gjelle aceto balsamiko për një shije më të veçantë dhe speciale.