Ingredientët:

• 1 pako tortilla
• Guacamole
• Sallatë me rukola

• Për salcën me Pjeshka:
• 3 pjeshka mesatare
• 1 domate e madhe
• 2 speca jeshil
• 1 spec i kuq
• 1 spec djegës
• 1 qepë e vogël e kuqe
• Lëngu i një limoni
• 1 tufë majdanoz
• Kripë + piper

Përshkrimi:

Si fillim pastrojmë mirë të gjithë ingredientët për salcën me pjeshka dhe më pas fillojmë dhe i grijmë shumë imët specat jeshil, specin e kuq, specin djegës, qepën e kuqe dhe majdanozin.

Më pas qërojmë nga të gjitha farat domaten dhe e presim në kubikë mesatarisht të vegjël dhe pasojmë duke qëruar dhe prerë pjeshkat në kubike.

I përziejmë të gjitha bashkë, shtojmë kripë dhe lëng limoni dhe e lëmë mënjanë ndërkohë që fillojmë mbushjen e takove.

Në fundin e secilës tako vendosim pak sallatë rukola, mbi të guakamole dhe në fund e mbushim me salcën me pjeshka, e përkasim me pak kripë nëse nuk ka mjaftueshëm dhe e konsumojmë menjëherë duke përftuar një shije të veçantë verore.

Unë këtë radhë takot i bleva të gatshme por mund të gjeni recetën e përgatitjes së tyre tek postimet e kaluara.