Ingredientët:

• 1 pako biskota me vanilje
• ½ pako biskota me kakao
• 1 kg kos grek (duhet patjetër i tille)
• 250 gram qumësht i kondensuar
• 100 gram arra  
• reçel qershie
• Fruta sipas dëshirës për zbukurim          

Përshkrimi:

Në një enë thërrmojmë biskotat dhe arrat mesatarisht me dorë (nuk duhet ti thërrmojmë shumë në mënyrë që të ndihet biskota dhe mos të bëhet qull) dhe i lëm mënjanë.

Në një enë tjetër përziejmë mirë kosin me qumështin e kondensuar derisa të përftojmë një masë të njëjtë homogjene tek e cila shtojmë biskotat dhe arrat e copëzuara më parë.

Masën e përftuar e derdhim në një enë të rrumbullakët të cilës mund ti hapen anët në mënyrë që të jetë me e thjeshtë nxjerrja e ëmbëlsirës prej saj.

Pas kësaj e lëm të pushoj në frigorifer për minimumi 6 orë por unë do të rekomandoja një natë të tërë.

Para se ta shërbejmë shtrojmë në të gjithë sipërfaqen e ëmbëlsirën reçel qershie dhe e zbukurojmë me frutat e stinës.