Ingredientët:

• 1 kokërr qepë e madhe
• 5 thelbi hudhra
• 3 domate pa lëkurë
• 4 speca të kuq
• 4 speca jeshil
• 500 gram gjizë pa shumë kripë
• 1 lugë çaji spec i kuq i ëmbël
• 1 majë lugë çaji spec djegës (opsionale)
• ½ lugë çaji kripë + piper (sipas dëshirës)
• Vaj ulliri dhe 1 lugë gjelle gjalpë

Përshkrimi:

Në një tigan të thelle skuqim me pak gjalpë, vaj ulliri dhe kripë specat e prerë në copa mesatarisht të mëdha në mënyrë që të ndihet speci dhe pas kësaj i heqim dhe i lëm mënjanë.

Në të njëjtin tigan shtojmë përsëri pak vaj ose gjalpë dhe skuqim qepën e grirë mesatarisht hollë bashkë me hudhrat e grira dhe kur qepa fillon të zbutet hedhim domatet të cilat i kemi grirë me thike, piperin dhe specin e kuq të ëmbël (jo në grirëse elektrike në mënyrë që të ketë disa copa domate)

E lëm të marrë valë dhe pas kësaj e ulim temperaturën dhe e lëm të ziej në temperaturë të ulët derisa të dalë yndyra në sipërfaqe (rreth 20 minuta).

Kur kemi përfunduar ketë proces shtojmë gjizën, e përziejmë dhe e lëm të ziej 10 minuta më shumë bashkë me të.

Në fund shtojmë specat që skuqëm me parë, i miksojmë mirë të gjitha dhe e shërbejmë duke dhuruar një shije fantastike dhe një aromë ndjellëse që të sjell në m ëndje fëmijërinë.