Ingredientët:
- 5 filxhan miell
- 1 filxhan qumësht i ngrohtë
- 2 kokrra vezë
- 1/3 filxhan gjalpë
- ½ filxhan sheqer i bardhe
- 1 lugë çaj kripë
- 2 ½ lugë çaj maja
- Për mbushjen:
- ¾ filxhan sheqer kaf
- 1 lugë gjelle kanellë pluhur
- ½ filxhan arra të grira
- ½ filxhan rrush i thatë
- 50 gram gjalpë
- Për kremin në sipërfaqe:
- 250 gram djathë philadelfia
- 5 lugë gjelle sheqer pluhur
- Lëkura e grirë e një portokalli
Përshkrimi:
Në një enë të thellë dhe përziejmë sheqerin, kripën, gjalpin (të cilin e kemi të zbutur në temperature ambienti) vezët dhe qumështin e ngrohtë tek i cili kemi tretur majanë.
Tek kjo masë shtojmë miellin duke e punuar vazhdimisht derisa të përftojmë një masë brumi të qëndrueshme i cili nuk ngjit më në anët e enës (formohet një brumë i ngjashëm me atë të byrekut)
Enën me brumin e mbulojmë me një qese kuzhine dhe e lëm të pushojë në një vend të ngrohte për 40 – 60 minuta derisa ai të dyfishojë masën e saj fillestare.
Pas kësaj e marrim dhe e hapim me një petës në formë drejtkëndëshe me një trashësi 1 – 1,5 centimetra duke e spërkatur tavolinën me pak miell që mos të ngjisë
Me gjalpin të cilin e kemi zbutur në temperature ambienti lyejmë të gjithë sipërfaqen e petës dhe mbi të shtrojmë gjithandej sheqerin të cilin e kemi përzier mirë me kanellën. Ne fund e spërkasim sipas dëshirës me rrush të thatë dhe arra të grira.
Pjesën më të gjatë të petës fillojmë e mbledhim me kujdes derisa te formojmë një rrole në formë sallami të cilën e presim në feta me një trashësi mesatare.
Fetat e prera i vendosim përmbys në një tepsi të lyer më parë me gjalpë dhe i pjekim në furrë të para ngrohur 200°C për 25 – 30 minuta, duke I kontrolluar.
Mënjane përgatisim kremin ku me ndihmën e një teli kuzhine të vogël rrahim philadelphia me sheqerin pluhur të cilin e shtojmë gradualisht dhe lëkurën e grirë të portokallit derisa të arrihet një krem i bute me të cilin lyejmë sipërfaqet e cinamon 5 minuta pasi i nxjerrim nga furra dhe në fund e zbukurojmë me arra dhe rrush të thatë sipas dëshirës.
