Përshkrimi

• Në fillim përgatisim petën e krostatës ku në një enë të thellë miksojmë vezët me sheqerin, vajin e lulediellit dhe lëkurën e limonit dhe pas kësaj shtojmë miellin të cilin e kemi përzier më parë me pluhurin pjekës.
• Fillojmë e punojmë derisa të përftojmë një masë brumi të plotë dhe të qëndrueshëm, treçerekun e të cilit e përdorim për petën duke e hapur me pak miell, ndërsa pjesën tjetër për shiritat në sipërfaqe të krostatës.
• Petën e parë e shtrojmë në enën ku do ta pjekim të cilën e kemi lyer me vaj dhe e rregullojmë mirë që të puthitet nga të gjitha anët.
• Mbi të shtojmë arrat e grira mesatarisht trashë në mënyrë që të ndjehen pak gjatë konsumimit dhe hapim gjithandej reçelin e fikut.
• Në fund hapim pjesën e brumit të mbetur dhe e presim në shirita të hollë me të cilat dekorojmë sipërfaqen e krostatës duke i puthitur me kujdes cepat në mënyrë që mos të hapen gjatë pjekjes.
• E pjekim në furrë të para ngrohur 200°C për 30 minuta pas së cilave e lëm të pushoji pa e lëvizur nga tepsia pasi është shumë e butë dhe reçeli shumë i nxehtë.
• Rekomandohet të shoqërohet me akullore me vanilje për një shije ideale.