Ingredientët:

• 1 kg mish viçi
• 2 lugë gjelle salcë domatesh
• 1 lugë gjelle hudhër
• 1 filxhan kafe uthull rrushi
• ½ lugë çaji spec djegës
• ½ lugë çaji piper
• 1 lugë gjelle spec i kuq i ëmbël
• 1 lugë çaji miell
• 1 lugë çaji kripë
• Vaj ulliri sipas dëshirës

Përshkrimi:

Në fillim pastrojmë dhe presim në copa të vogla mishin e vicit të cilin e ziejmë me ujë, vaj ulliri dhe kripë.

Pasi e kemi zier mishin e heqim nga lëngu dhe e lëm mënjanë ndërkohë që nga lëngu marrim ½ filxhan çaji lëng tek I cili tresim 1 lugë çaji miell.

Miellin e tretur e rikthejmë tek lëngu I zier duke e përzier vazhdimisht.

Më pas shtojmë salcën e domates, hudhrat e grira, uthullën, specin djegës, specin e ëmbël, pak vaj ulliri dhe kripën, I përziejmë mirë të gjitha dhe e lëm të marrë valë.

Pas kësaj rikthejmë mishin tek lëngu, e lëm të ziej për 4 – 5 minuta dhe pas kësaj e ulim temperaturën dhe e lëm të ziej me temperaturë të ulët për 50 – 60 minuta derisa të dalë yndyra në sipërfaqe dhe të krijoj një ajkë të holle.

E servirim menjëherë sepse pacia konsumohet gjithmonë e ngrohtë.