Përshkrimi

• Në fillim përgatisim mbushjen duke filluar nga pastrimi I qepëve të cilat i grijmë mesatarisht dhe i skuqim me pak gjalpë, vaj ulliri dhe kripë.
• Kur qepa fillon të zbutet pak shtojmë domatet të cilat I kemi hequr lëkurën dhe grirë mesatarisht, piperin dhe i përziejmë derisa të marrë valë.
• Pasi ka marrë valë e ulim temperaturën dhe e lëm në temperature të ulët për 20 – 30 minuta ose derisa të shteroji lëngu i tepërt I domates dhe të dale yndyra në sipërfaqe.
• Pas kësaj e lëm të ftohet që ta përdorim tek byreku.
• Ndërkohë që mbushja e byrekut ftohet përgatisim brumin ku në një enë të thelle përziejmë mirë miellin me sheqerin, kripë, vajin e ullirit dhe ujin (I cili duhet të jetë në temperaturë ambienti)
• E punojmë mirë derisa të përftojmë një brumë të butë të cilin e lëm të pushoj për 15 minuta para se ta ndajmë në 20 topa të vegjël me madhësi të njëjtë.
• Fillojmë I hapim 5 të parat një nga një me ndihmën e një petëze (pec/okllai) sa madhësia e dorës, lyejmë sipërfaqen e secilës prej tyre me vaj ulliri dhe I vendosim sipër njëra tjetrës, pas kësaj I hapim përsëri me petëzën derisa të formojmë një petë të vetme të madhe të cilën e shtrojmë në fundin e tepsisë të cilën e kemi lyer më parë me vaj
• Mbi petë hedhim një pjesë të përzierjes me qepë dhe domate dhe vazhdojmë me të njëjtën procedurë duke hapur petët e tjera dhe duke shpërndarë nëpër to mbushjen (4 shtresa me petë dhe 3 shtresa me qepë dhe domate)
• Në fund i bashkojmë anët me kujdes dhe e pjekim në furrë të para ngrohur 200°C për 45 – 50 minuta ose sa të marrë një ngjyrë kafe të lehtë në sipërfaqe.
• Pasi e nxjerrim nga furra përpiqemi ta kthejmë me kujdes me ndihmën e një tepsie tjetër me të njëjtën madhësi.
• Presim 10 – 15 minuta të ftohet para se ta presim.