Përshkrimi

• Si fillim përgatisim pjesën e parë që është pjesa e biskotës, ku në një enë të thellë përziejmë mirë biskotat e grira në blender (te grira si miell) me vajin e arrës së kokosit ose gjalpin.
• Me masën e formuar krijojmë një shtresë në fundin e enës ku do të ndërtojmë cheesecake dhe e ngjeshim mirë me duar ose me fundin e një gote qelqi dhe pas kësaj e lemë të pushoj në frigorifer për 20 – 30 minuta ndërkohë që ne përgatisim pjesën kremoze.
• Në një enë mesatarisht të thelle hedhim mascarponen dhe sheqerin pluhur dhe i përziejmë me kujdes derisa të përftojmë një masë kremoze tek e cila më pas shtojmë kosin grek dhe vazhdojmë e përziejmë, në fund shtojmë çokollatën të cilën e kemi shkrirë më parë me vajin e arrës së kokosit dhe e kemi në temperaturë ambienti.
• Nxjerrim enën që kemi lënë të pushojë në frigorifer dhe mbi shtresën e biskotës shtojmë kremin që përziemë më parë duke e ngjeshur me kujdes që mos të lëmë hapësira dhe e rikthejmë në frigorifer për të pushuar minimumi 6 orë por unë do të rekomandoja një natë.
• Para se ta servirm e zbukurojmë me çokollata dhe biskota sipas dëshirës për një shije akoma më intensive.