Kek me Qershi të Karamelizuara
Recipe by Rozafa
Course: DessertDifficulty: Easy
Servings
12
servingsPrep time
20
minutesCooking time
45
minutesIngredientët
200 gram gjalpë
1 filxhan sheqer
1 – 2 filxhan miell
3 lugë gjelle arrë koksi e grirë
1 lugë çaji pluhur pjekës
½ lugë çaji sodë buke
1 majë luge çaji kripë
4 kokrra vezë
¾ filxhan kos
1 lugë çaji ekstrakt vanilje
qershi të karamelizuara
50 gram çokollatë të bardhë
Përshkrimi
- Në një tas qelqi të thellë përziejmë mirë gjalpin të zbutur ne temperaturë ambienti me sheqerin, i rrahim bashkë të dyja me ndihmën e një rrahëse dore për 2 – 3 minuta derisa të përzihen mirë me njëra-tjetrën.
- Më pas shtojmë vezët dhe vazhdojmë i rrahim mirë derisa të përftohet një masë kremoze, tek e cila shtojmë kosin dhe vaniljen duke i përzier vazhdimisht.
- Shtojmë miellin të cilin e kemi përzier më parë me pluhurin pjekës e kripën, e përziejmë me kujdes derisa te përftohet një masë brumi uniforme dhe në fund shtojmë arrën e kokosit të grirë.
- Në fund shtojmë qershitë e karamelizuara dhe masën e përftuar e derdhim në formën ku do ta pjekim të cilën e kemi lyer më parë shumë mirë me gjalpë ose vaj, e rregullojmë mirë të gjithë sipërfaqen me ndihmën e një spatule dhe e pjekim në furrë të para ngrohur 200°C dhe e pjekim për 45 minuta.
- Me ndihmën e një shkopi kuzhine, 5 minuta para përfundimit te kohës se pjekjes bëjmë provën, nëse shkopi del i pastër përfundojmë minutazhin e përcaktuar në të kundërt e zgjasim pak.
- Këshilloj qe keku te jetë me temperaturë ambienti parasë te fillojmë zbukurimin me çokollatë të bardhë të shkrirë ose gjithçka tjetër sipas dëshirës.