Ingredientët:

• 250 gram gjalpë
• ½ filxhan sheqer i bardhë
• 2 ½ filxhan miell
• 1 vezë e plotë
• ½ lugë çaji lëkurë portokalli
• 1 lugë çaji pluhur pjekës
• 1 majë luge çaji kripë
• 1 kavanoz reçel luleshtrydhe (250gr)
• ½ filxhan arra të thërrmuara
• 500 gramë luleshtrydhe

Përshkrimi:

Në një enë të thellë përziejmë gjalpin me sheqerin, vezën dhe lëkurën e grirë të portokallit për pak minuta.

Tek kjo masë shtojmë pak nga pak miellin të cilin e kemi përzier më parë me pluhurin pjekës dhe kripën, vazhdojmë e punojmë derisa të arrijmë një masë  brumi mesatarisht të forte i cili nuk ngjit në anët e enës (një masë brumi i ngjashëm me atë të gurabijeve).

Brumin e përftuar e shtrojmë ne një tepsi të cilën e kemi lyer më parë me vaj luledielli, dhe e ngjeshim me gishtërinj në të gjithë sipërfaqen e tepsisë duke krijuar dhe një bordurë rreth e rrotull

Vazhdojmë duke shtruar reçelin e luleshtrydhes në të gjithë sipërfaqen dhe shpërndajmë gjithandej mbi të arrat e thërrmuara mesatarisht me dorë.

Pas kësaj vendosim me kujdes luleshtrydhet të cilën i kemi prerë me feta, e dekorojmë sipas dëshirës dhe e pjekim në furrë të para ngrohur 200°C për 45 – 50 minuta.

Pasi e nxjerrim nga furra e lëm të ftohet plotësisht para se ta presim pasi pjesa e biskotës është ende e butë dhe reçeli i nxehtë.

Për një shije ideale rekomandohet të shoqërohet me akullore me vanilje.