Përshkrimi

• Në një enë të thellë përziejmë mirë gjalpin të zbutur ne temperaturë ambienti bashkë me sheqerin dhe më pas shtojmë vezët dhe vazhdojmë i rrahim mirë derisa të përftohet një masë kremoze.
• Kësaj mase i shtojmë kosin, e përziejmë dhe vazhdojmë me qumështin.
• Në fund shtojmë miellin të cilin e kemi miksuar më parë me pluhurin pjekës, sodën e bukës dhe kripën, i përziejmë me kujdes derisa te përftohet një masë brumi uniforme tek e cila shtojmë 60 gram çokollatë të thyer në copëza të vogla.
• Masën e përftuar e derdhim në formën që kemi lyer më parë me vaj, ose gjalpë.
• E sistemojmë mirë sipërfaqen me ndihmën e një spatule dhe në mes të brumit vendosim dardhat e plota të cilat i kemi larë dhe qëruar me kujdes.
• I sistemojmë mirë dardhat duke i ngjeshur pak me dore dhe pas kësaj e pjekim në furrë të para ngrohur 200°C për 45 – 50 minuta.
• Me ndihmën e një shkopi kuzhine, 5 minuta para përfundimit te kohës se pjekjes bëjmë provën, nëse shkopi del i pastër përfundojmë minutazhin e përcaktuar në të kundërt e zgjasim pak.
• Këshilloj qe keku te jetë ftohur plotësisht para se te fillojmë zbukurimin, që mund te jetë thjeshtë pak sheqer pluhur, ose çokollatë e zezë e shkrirë si në rastin tim pasi çokollata me dardhën bëjnë një kombinim të përkryer.