Përshkrimi

• Kjo është një menu shumë e thjeshtë e shijshme dhe e shëndetshme për ta konsumuar të vegjlit tanë gjatë pushimit në shkollë ose kur i hahet diçka.
• Në këtë variant mund të fusim një pite të hollë të cilën mund ta bëjmë vetë ose ta blejmë (si në rastin tim) e lyejmë me salcë avokado e cila konsiston në miksimin e një avokado me pak kripë dhe lëng limoni e cila bluhet derisa të arrijmë një masë kremoze të cilën e shtrojmë mbi piten.
• Mbi të shtojmë proshutën dhe e rrotullojmë duke formuar kështu një role të cilën e presim në feta dy gisht të trasha.
• E plotësojmë këtë vakt me proteinën e vezës dhe disa domate qershi për ta zbutur shijen.
• Mënjanë kemi një opsion te dytë që mund të jetë për pasdite e cila përmbledh frutin e stinës që në rastin tonë është rrushi, biskota integrale, disa kokrra arra dhe një copë djathi babybel.
• Kështu formojmë një paketë të plotë të një ushqimi të shëndetshëm të cilin fëmijët tani mund ta konsumojnë pa frikë.