Rozafa Cooking

Salmoni i kombinuar me djathë, ullinj dhe domate është shumë i veçantë, të sjell ndër mënd shijen e verës dhe të kënaq me kombinimin e aromave. Unë e përgatis gjithmonë kur bëhem nostalgjike për të sjelle pak aromë deti në tavolinë.

Babuni dhe Sardelja janë ndër peshqit më të shëndetshëm dhe më të shijshëm. Pjesën më të madhe të rasteve mua më pëlqen ti gatuaj thjeshtë dhe pa shumë ingredientë në mënyrë që shija e mrekullueshme e peshkut të mbizotëroj dhe gjithçka tjetër të jetë thjeshtë një garniturë si në rastin e recetës së sotme.

Peshku është ushqimi im i preferuar gjithmonë, dhe sa herë që e marr fantazoj gjatë gjithë kohës për mënyra të ndryshme për ta gatuar e për të ndërthurur shijen e tij të mrekullueshme për të nxjerr në pak shije të reja. Kjo tave me Peshk dental, patate dhe kërpudha është perfektë për një drekë në familje, e shijshme, e plotë dhe e shëndetshme.

Një drekë ndryshe sot, një shije pikante dhe e veçantë e kombinuar me shijen e përsosur të salmonit për të sjellë në tavolinën tuaj një drekë speciale dhe të pa rezistueshme për të gjithë ato që i pëlqejnë gjërat pikante.

Salmoni është peshku im i preferuar jo vetëm për vlerat ushqyese që ka por për shijen intensive dhe të veçantë dhe gjithmonë gjej mënyra të reja për ta gatuar sa më shëndetshëm dhe shijshëm. Këtë tavë e shoqërova me krem arre kokosi dhe fistik dhe ishte një dashuri.